Nachati Hai “SHARAAB”

Duriyaa Aasani Se Mitati Hai “SHARAAB”, 
Majburiyon Ko Nashe Me Nachati Hai “SHARAAB”…. 

Aansuwo Ko Mila De Tu Apne Har Ek Jaam ME, 
Fir Dekh Kaise Yaadon Ko Aur Kareeb Lati Hai “SHARAAB”….. 

Thak Chuke Hai Jo Is Duniya Ke Sitamo Se, 
Unhe Do Pal Ki Rahat Dilati Hai “SHARAAB”….. 

Pankh Laga Ke Aasmaan Me Ud Jaate Hai Jo Panchi, 
Do Ghoot Me Unhe Baho Me La Sakti Hai “SHARAAB”….. 

Jiss Ka Hath Sari Duniya Chod Deti Hai, 
Unke Hatho Me Aksar Paayi Jati Hai “SHARAAB”…. 

Kabhi Bhi Apne Gumon Ko Bhulna Ho To Keh Dena, 
Kitne Bhi Bade Gum Me Kisiko Bhi Hasati Hai “SHARAAB”

This shayari was sent by  Deepak Vashishta